Mudjer simplis e humildi Cabu berdeana

Sai na kutelu

odjau di longi Trabesa ladera,

odjau ku passus largus

 Kantu kin ta dixi kelotu lem,

 pan txiga rubera,

odjau ku bu panu maradu,

lata cheio dagu

Ah menina bo é mudjer ki bali

Sima bo ka sta mutu odjadu

Bu valor é ka pa td homi

 Kantu bu poi lata na cabeça

Seguiu kada passo ki bu da

Passu kenti sima lumi

Ku bu coxa ben redondu

 Bu pon coraçon trapadjadu

Ah mundu, Mudjer di luta

Mudjer ki ka tem discansu

Mudjer ki horas kin odja ta dan briu

Sima bo é só bo

Ta txiga casa antis xinta dretu

 Dja sta ku maxin na mo,

corda na cintura, rostu pa lenha.

Ah canadja Mudjer ki ka ta cansa

Mudjer ki ta labuta, tircidja e djuguta

Di dia ku sol forti e soris ta basa

Di noti ka ta durmi

ku xintidu na dia di manhan

Di madrugada ku midju na pilon ta cotxi pa poi catxupa.

 Mudjer Mudjer, bo ke mudjer simplis e humildi Cabu berdeana di alma e spiritu

Natal Monteiro