SakutaPoema: “Bu Fidju Mesti”

Odair Furtado

Aos Pais ou Encarregados de Educação o SakutaJovem sugere este poema que fala da importância dos pais na educação 

 dos filhos.

Pois acompanhar a vida escolar dos filhos não significa necessariamente apenas cobrar. O acompanhamento pressupõe muito mais do que isso. É necessário estimular, motivar, valorizar, ensinar, conversar, prestigiar, discutir. Quando os pais são presentes e acompanham o crescimento educacional dos filhos dia a dia, suas habilidades sociais aumentam e a chance de problemas comportamentais diminui.

Leia e escuta o jovem poeta (Mc), Odair Furtado, residente em Santa Cruz , que faz  da música um “instrumento de intervenção”.

Bu Fidju Mesti

Bu fidju mesti, atenson isbosu di direson i farda di idukason,

faze-l kria ku risponsabilidadi ma risponsabiliza pa-el enkuantu e ka ten idadi nton ko dexa-l perdi xavi di orientason.

 

Djuda-l forma alisersi undi ki bazi ta ser forti sufisienti a sustenta pirâmidi mas pa kada fazi involvi alegria,

djuda-l prinxi lakuna , ilutra-l  rialidadi di vida  i diferensa entri rialidadi i fantazia

faze-l sigi kriteriu prinsipiu di vida undi ke ta inkuadra na kuadru ki senpri bu kria.

Konsikuênsia e fazi pai xinti xeiu di orgulhu i dexa mai orgulhoza,

pamas tudu sta di pe fla-l ma vida ten kontra maré ma vida e ka un intera mar di roza.

N'kre odja-u ta fla fidju bai pa skola vida e ku prujetu,

mostra-l kaminhu eradu i manda-l pe sigi sertu,

di virtudis i valoris si interior bisti-l del.

Undi farda di idukason?

Na fonti linpu faze-l bebi nel.

Bu fidju mesti entra na merkadu di aprendizajen,

fla-l ma nos sosiedadi e un spedju ma sta rifleti mau imajen,

n'ta kridita ma bu ka ta suporta odja-l ta bai na mesmu barku ku alma na mesmu bagajen,

ma bu ka ta suporta odja-l ta ser mesmu frutu i rifleti mesmu imajen,

n'konxi poku ki ben di familia ekonomikamenti disfavoresidu ki ser izenplu di superason,

ma n'konxi munti ki ben di familia di kapasidadi finansera ki prima pa vaidadi ta umilha kes ki ten poku kondison.

Fidju e mas ki un invistimentu nton inxina-l mo ke ta interaji i fazi intervenson

 me toka na pontu di sensu so dipos di diverjênsia.

Djuda-l dizenvolvi si propriu konpitênsia,

Tamanhu di prizenti ki bu podi da-l ma momentu podi ser tamanhu di felisidadi di momentu,

podi ka ser sufisienti pa manham i manham e podi perdeu di vista e podi perdi sen vista,

ko faze-l vivi bu sonhu mas sin dexa-l sunha bu dexa-l konkista.

N'kre odja-u ta fla fidju bai pa skola vida e ku prujetu mostra-l kaminhu eradu i manda-l pe sigi sertu,

di virtudis i valoris si interior bisti-l del,

undi farda di idukason?

Na fonti linpu faze-l bebi nel.

Nunka ko fla-l sin na lugar di nau i nau na lugar di sin,

ko brinka ku si inisiu po ka ben txora ku si fin,

preukupa ku influênsia di mau amigu,

pamodi ta trazi konsikuênsia prigu.

Ko dexa-l sigi tudu konsedju mas e n'ten ki ten konsedju ke pe sigi,

ma piza tapeti burmedju e ka fasil di konsigi mas tanbe e ka inpusivel di konsigi.

Fla-l me podi ser kolega di strela mas pe ka preukupa ku dia di brilha ma ta txiga kel dia ke ta abrasa dikotomia,

ma nu sta na era di konpitison ma era di konpitison ka izisti monopoliu di sabidoria.

N'kre odja-u ta fla fidju bai pa skola vida e ku prujetu mostra-l kaminhu eradu i manda-l pe sigi sertu,

di virtudis i valoris si interior bisti-l del,

undi farda di idukason?

na fonti linpu faze-l bebi nel.

SakutaJovem

Poeta: Odair Furtado